1. Skip to Menu
  2. Skip to Content
  3. Skip to Footer

Муносабатлар

"Саёҳларга" текин маслаҳатлар…

"Саёҳларга" текин маслаҳатлар…

Хорижликлар саёҳат қилишни жуда яхши кўришади. Биз бор будимизни йиғиб тўй қилса…

Read More...

Skype орқали никоҳ, СМС орқали талоқ...…

Skype орқали никоҳ, СМС орқали талоқ...…

АҚШда истиқомат қилаётган Асад Фаҳурий – куёв, Ливаннинг Тир шаҳридан бўлган  Ха…

Read More...

«Сен буюк ялқов бўлиб етишасан!…

«Сен буюк ялқов бўлиб етишасан!…

 Мен хориждагиларнинг яшаш тарзига, улардаги қулайликларга роса ҳавас қиламан. Х…

Read More...

«ЎРМОН ҲАЁТИ»…

«ЎРМОН ҲАЁТИ»…

Бу ҳаммага маълум оддий гап: ўрмонда қайси ҳайвон кучли бўлса, иложининг борича…

Read More...

Prev
Next
  • 1
  • 2
  • 3

Сўнгги фикр

  • Никоҳ хутбаси

    EdwardSuisy 19.02.2018 11:28
    Wonderful site, how do you get all this info?I've read a few posts on your website and I really like ...

 

Тушга ўхшаган “муҳаббат” Севиб, севилмоқ...

“Муҳаббат” ҳақидаги гап-сўзлар ҳамма тарафимизни ўраб олган: романлар, қўшиқлар, рекламалар ҳамда реал ҳаётимизда. Ҳаммасидан ёмони Бред Питни ўзича яхши кўриб қолган қизалоқ ва ўз эрини жонидан ортиқ севадиган муслима қиз ҳам: “Мана шу ҳақиқий севги”, деб айтиши мумкин. давоми...

Виртуал дунё ҳақиқий дунёнинг кушандаси

Интернет – ҳам яхши, ҳам ёмон нарсадир: кимдир ўз ҳожатини чиқаради, кимдир эса ундан вақтиҳушлик учун фойдаланади. Сиз ҳақиқий ҳаётдан воз кечиб, аслида йўқ бўлган воқеъликка уни алмаштирмоқчи бўласиз. Ўйлаб кўрингчи: сиз буларнинг эвазига нимага эришасиз?  давоми...

«Сен буюк ялқов бўлиб етишасан!»

Мен хориждагиларнинг яшаш тарзига, улардаги қулайликларга роса ҳавас қиламан. Холодильник, кондиционер, кир ювадиган машина, микроволновка. Айниқса шу охиргиси – овқатни тез иситадиган микротўлқинли печка менга роса ёқади.

Нимани солманг, биз зумда иситиб берса. Сутни тошириб юбормасдан қайнатса. Хатто ўғлим ҳам ишлатишни билиб олган, холодильникдан муздек сок олиб ичса гап эшитишдан қўрқиб, уни микроволновкада иситади ва шундан кейин истеъмол қилади. Буни кўрган укам ҳар келганида ўғлимни масхара қилади: «Сен буюк ялқов бўлиб етишасан!». «Нега унақа деяпсан?» деб сўрасам, жавоб беради «Қаранг, ҳамма шароити бор! Бунақада ўғлингиз ялқов бўлмай, бошқа ким бўлсин!»

Чиндан ҳам, балки укамнинг истеҳзосида жон бордир. Балки ўша машҳур мультфильмдаги гаплар ҳозирги авлодга тўғри келар, балки фарзандларимизга яхши шароит яратиб берамиз деб, уларни чиндан ҳам «буюк ялқовларга» айлантириб қўяётгандирмиз! Микроволновка балки бизга дангасаликни ўргатаётгандир?

Ўша микроволновкани ихтиро қилган ғарбнинг ҳаёт тарзига назар ташлайлик. Газеталардаги «тез озиш» ёки «тез семириш» ҳақидаги эълонлар, тез тайёрланадиган махсус овқатлар ёки кўчалардаги тез пишадиган гамбургер тамаддихоналари… Буларнинг олдида, рости, овқатни бир неча дақиқада иситиб берадиган микроволновкалар ҳам кўп меҳнат талаб қиладиган матохга ўхшаб кўринади.

Масалан наркоман, ароқхўр ёки кашанда бўлиб кетган ва бу дарддан қийналаётганларни олиб қарайлик. Нимага улар бу дарддан қутила олишмаяпти? Ўша «яхши шароит» сабабмасмикан ҳаммасига? Ҳаётнинг бошқа нуқталарида осон ечимга («тез озиш» ва «овқатни тез иситиш»га) ўрганиб қолганлар алкоголизм ва наркоманияда ҳам ўз-ўзидан тез ечим ахтаришади. Хумор тутиши билан, иродани ишга солиб даволаниш, ойлаб қийналишга дангасалик қилиб, ўша балонинг навбатдагисини истеъмол қилишади. Мана сизга «микроволновка»нинг оқибати!

Микроволновка туфайли уйимиздаги ишларнинг осон бажарилиши бизни бошқа нарсаларда ҳам осонлик талаб қилиш, осонликнинг кетидан қувиб чинакам ялқовлар, дангасларга айланишга олиб бораётгандир? Масалан, фолбинга борувчилар, мунажжимлар башоратига ишонадиганларни қаранг. Ўз муаммосини бошқа йўл билан ечишга дангасалик қилиб, осон йўл излаш эмасми бу? Фоҳишага бораётганлар уйланишга дангасалик қилаётган, фоиз эвазига пул бераётганлар эса шу пулни меҳнат билан кўпайтиришга эринаётган эмасмикан? Битта сутни бир зумда иситамиз деб микроволновкани ихтиро қилиб, шунинг натижасида инсониятни ҳамма нарсадан осон ечим излашга ўргатмаяпмизми? Микроволновкани деб ўзимизни балки чиндан ҳам бошқа балоларга дучор қилиб қўяётгандирмиз? Нимага ҳозир ҳар хил лотерея ўйинлари кўпайиб кетди? Бир қизиқчи «Юз сўмингиз бир зумда юз миллионга айланишини хоҳлайсизми» деб реклама қилаётган бу ҳаром иллат ҳам ўша «микроволновка»нинг оқибатидир балки? Ғийбат қилиш касаллиги-чи? Бориб ҳақиқатни билиб келиш ёки ғийбат қилинаётган одамнинг ўзини топиб гапиришни кутишдан дангасалик қилиш эмасмикан? Овқатни тез иситишга ўрганган одам бошқа нарсаларда ҳам тезликка интилмаслигига, секин ва узоқ давом этадиган ишлардан дангасалик қилмаслигига ким кафолат бера олади?!

Кўряпсизми, яхши нарсада дангасаликка интилиш бошқа ёмон нарсаларнинг сабаб бўлишига ҳам олиб келяпти.

Биласиз, ғарб дангасалик билан фахрланади. Уларнинг таълимотига кўра Худо ҳам олти кун ер ва осмонларни яратиб, еттинчи кун дангасалик қилган – дам олган. Шунинг оқибатида бутун ғарб жамияти якшанба куни дам олишга, бекорчилик билан кун ўтказишга ўрганиб қолишди. Аммо бизда дангасалик ижобий ҳислат сифатида қаралиши тўғримкан? Нимага унда Қуръонда мунофиқлар дангасалик сифати билан таърифланади-ю, ҳадис китобларининг ҳаммасида «Дангасаликдан сақланиш учун Аллоҳдан мадад сўраш» мавзусига алоҳида бўлим ажратилган?

Тўғри, Аллоҳ бизга бажара олмасак ҳам, ниятимиз учун ният қилинган ишнинг тўлиқ савобини беради. Аммо фақат ният билан дангасалик қилиб уйда ўтираверишимиз ва ҳамма нарсанинг осон йўлини излашимиз мана шу микротўлқинли печка олиб келган «осонликка интилиш»нинг натижаси эмасмикан?

Тўғри, микроволновка фойдали нарса, тез ҳаракат қилиш ҳам ёмон демоқчи эмасман! Мусо алайҳиссаломга Аллоҳ Тур тоғига келишни буюрганида, у зот шошмасдан боргани йўқ, ўзбекча қилиб айтганда, «оёғини қўлига олиб» чопқиллаб борди. Ҳатто қавмидан анча илгарилаб ҳам кетди. Аллоҳнинг «Қавмингдан мунча илгарилаб кетдинг, эй Мусо» деган саволига Мусо алайҳиссалом «Улар ана – изимдан келурлар. Мен эса сен рози бўлишинг учун сенинг олдингга шошдим, Парвардигорим!» деб жавоб қайтарди. Бу иш Аллоҳни хурсанд қилганидан унинг васфи Қуръонда ҳам ҳикоя қилинган (Тоҳа, 83-84).

Менимча, муаммо микроволновкада эмас, асосий муаммо – микроволновка тежаб берган вақтимизнинг нималарга сарфланаётганида.

Ўтган йили қизиқчи Зокир Очилдиев Хитой пойтахти Пекинда меҳмон бўлганида, мендан таржима ишларида ёрдамлашиб юборишни сўради. Уларни кутиб олдим, қўлимдан келганича ёрдамлашдим. Кейин қайтиш арафасида машҳур қизиқчимиз мендан маслаҳат сўради: «Сиз ҳар ҳолда шу ердасиз, биласиз нима бор, нима йўқлигини, онамга қанақа совға олиб кетсам бўлади?». Мен «микроволновка» деб жавоб қайтардим. Зокир Очилдиев ё билмаганга солди, ё ростдан билмади, хуллас, «Нима у, микроволновка?» деб сўради. Мен тушунтира бошладим «Овқатни иситиб беради, токка тиқиб қўйсангиз бас, жуда фойдали нарса!». Шунда қизиқчимиз айтган гаплар ҳалигача ёдимдан кўтарилмайди: «Мен у нарсани қишлоққа олиб кетмоқчиман, у ерда ток деган нарсанинг ўзи муаммо-ку, микроволновкага йўл бўлсин…»

Балки шуниси ҳам тўғридир, микроволновкасиз яшаш балки овқатни иситиш учун бироз кўпроқ вақт талаб қилар, аммо бу микроволновка билан овқатни бир зумда иситиб, тежалган вақтни беҳуда ишларга сарфлашдан минг марта афзал. Энг муҳими, овқатни иситишда қийинчиликдан эринмадикми, бас, энди бошқа ишларда ҳам бизни ҳеч нарса тўхтатиб қола олмайди.

Аваз Бердиқулов

Комментарии   

 
0 #7 Alpomish 06.08.2016 06:50
Men oilam bilan ishlab yashaydigan Shvetsarya, men tug'ilgan O'zbekistonning chekka mintaqasidagi bir qishloqdan taraqqiyot imkonyatlari bo'yicha bir necha o'n marotaba ustun, BIROQ, mehr-oqibat, o'zaro hurmat, poklik, bokiralik, pokizalik, ibo, sharmu-hayo masalalar bo'yicha o'sha "qoloq" qishlog'im bir necha o'n balki yuz marotaba ustun! Bu yog'iga nima deysiz?!

E'TIBORING QILING:
"Менимча, муаммо микроволновкада эмас, асосий муаммо – микроволновка тежаб берган вақтимизнинг нималарга сарфланаётганид а".
Yuqoridagi mushtariylarni "oqsashi"ni huddi yuragi sezgandek, muallif alohida abzast-satr boshi bilan ajratib bergan. Ma'noga urg'ulash maqsadida. Afsuski ularnig "yuqori saviyasi, teran muloxazasi" buni anglashga imkonyat bermagan.
Цитировать
 
 
0 #6 Alpomish 06.08.2016 06:50
Taraqiyotni muallif kabi men ham yoqlayman.Rivoj lanish kerak va zarur. YANGILIKNI PICHOQQA O'XSHATISH MUMKIN. Undan tansiq taom tayyorlab kishi hojatini chiqarish yoki aksincha uning hayotiga taxdid solish foydalanuvchiga bog'liq bo'lgani kabidir.
Zotan bejizga "Tuyaning ishi yengil bo'lsa yotoq bo'libdi"-kabi naql mavjud emas.
Sahobiylar bugungi taraqqiyot turmush tarzi haqidagi bashoratlarni eshitganlarida ular imkonyatlarini ko'pligi va yuqoriligini hisobiga din va taqvo masalasida bizdan o'zib ketishar ekanlarda!",-de ya xavas ila so'raganlarida Payg'ambarimiz s.a.v.larnig "-Yo'q, aksincha",-deya javob berganlarini shu o'rinda eslash kifoya!
Цитировать
 
 
0 #5 Alpomish 06.08.2016 06:48
Assalomu alaykum!
Hurmatli muallif Siz haqli va o'rinli masalani ko'tarib chiqqansiz.
Hurmatli Gulmira, Abduqodir, Erkin123, eshitish bilan u inson bilan qalban tillashish, dillashishni yer bilan osmoncha farqi bo'lganidek,o'q iyotgan maqolaning zohiri bilan botinini anglashni huddi shunday ulkan farqi bor;
Hurmatli Sanjar Rahimov, buning sababi -inson saviyasi,salohi yat darajasida! Axir bejizga aytishmaydi: "Bir palakdan xar hil qovun yetishadi",-dey a.
Цитировать
 
 
+2 #4 Erkin123 05.05.2015 17:17
bunaqa fikrlash bilan odamlar neandertal ga aylantirib quyishadi, hozirgi zamon qul kuchi emas aql kuchi zamoni,har doim inson muommolarga innovatsion kreativ echim topishga harakat qilish kerak,usha mikrovolnovkani chiqaradigan kompaniyada minglab odamlar ishlashi mumkin,davlatga byudjetiga millionlab soliq tulaydi, export qiladi tovarini,qaerda insonga hali kashf qilinmagan qulaylik yaratuvchi ihtiro lar kupaysa usha davlat iqtisodiyoti gurkirab yashnayveradi,k ompyuteringizda gi va telefoningizdag i programmalar kerak bulsa har hafta update buladi yani yangilanadi,shu nday ekan ihtirochi injinerlarimiz va uzoqni kura biladiga tadbirkor lar bor bulsin,
Цитировать
 
 
+4 #3 Sanjar Rahimov 31.12.2014 13:12
:cry: Hayronman nega ko`pchilik o`qigan mavzusini yuzaki tushunar ekan?
Цитировать
 
 
+2 #2 AbduQodir 16.04.2014 03:22
Ishlarni tez xal qilish, oson xal qilish nimasi yomon? Gap ishni oson qiyinligida emas, hech qanday texnologik yengilliklar bo'lmagan ba'zi Afrika davlatlarida ham "yalqov"lar bor. Rivojlangan, yengilliklar yaratilgan g'arb davlatlarida ham "mehnatsevar"la r bor. Muammo texnologiyada emas, odamlarni o'zida. Ish tez xal bo'lsa, ortgan vaqtini yaxshi narsaga sarflashi mumkin. Nopok odam qancha band bo'lmasin, baribir nopok ish uchun vaqt topadi.
Kamchilik bo'lsa, kimnidir ayblamasdan, o'zimizni to'g'rilashimiz kerak. Unga telefon aybdor, bunga internet aybdor, endi esa mikrovalnovka aybdor. Biz esa oppoqmiz.
G'iybat qilish yoki vaqtni bekorga sarflash bo'yicha solishtirib qaralsa, aynan texnologiya kirib bormagan xonadonlar birinchi marrada turadi.
Цитировать
 
 
-1 #1 Гулмира 31.03.2014 14:10
Мен микроволновка ишлатишига умуман карши эмасман. Чунки у тезда овкатни иситиб беради. Масалан менинг 3 синфда укийдиган болам бор. Мен эрталаб ишга кетиб кечга якин уйга бораман. У мактабдан келгандан сунг узи газни ёкиб овкатни иситишига каршиман. Чунки у газни яхши бура олмаслиги, ёки куйиб колиши, ёки газни яхши учирмай газ хиди чикиб кетиши мумкин. Мен учун болам учун микроволнвка хавфсизрок деб уйлайман. Агар уйда электор булмай колса, болм музлатгиядан муздай овкат ейди, ёки ток йук деб умуман овкат емай, оч колади.
Цитировать
 

Фикр билдириш


Ҳимоя коди
Янгилаш

Ҳозир сайтимизда 176 та меҳмон бор, сайт аъзолари эса йўқ

Сайтга ёрдам

23120000900000830001
МФО - 00830
ИНН - 202045300
Атажанов Адхам

UZCARD

8600 0604 4826 4011
expire date: 09/20
Atajanov Adxam